曾貫萬致富傳說

0:00曾貫萬致富傳說

0:03山廈圍嘅開基祖曾貫萬本來係一隻石匠，

0:08後來搖身一變，成為香港開埠早年嘅石業鉅子，家財萬貫。

0:17自古以來，都有唔少關於曾貫萬致富嘅傳說，以下係其中之一。

0:24曾貫萬又安做曾三利，祖籍廣東五華，

0:29十六歲嘅時候謄嗨阿哥來香港謀生，在茶果嶺一帶嘅石廠摎人打石。

0:38包尾石廠倒閉，曾貫萬轉到西灣河經營雜貨店。

0:44相傳佢當年接到一宗奇怪嘅買賣，

0:48一群來歷不明嘅漁民向佢兜售十六甕鹹魚，

0:54曾貫萬淨買嗨其中嘅四甕，但係漁民冇帶走剩下來嘅十二甕鹹魚，

1:00反而寄存在其嘅雜貨舖之中。

1:04包尾哎班漁民一去不返，再無音訊。

1:10曾貫萬於是就打開漁民寄存嘅十二甕鹹魚，

1:15好驚訝恁樣發現，哎甕裏背淨係上層係鹹魚，下層全部係金銀。

1:23有人推測哎班漁民其實係海盜假扮，

1:27為嗨避風頭，將劫來嘅金銀藏在哎甕中間，並且用鹹魚來掩飾，

1:35但係最後因為風聲忒過緊，不得不棄贓。

1:40相傳曾貫萬借機用這筆錢財，做轉老本行打石業，

1:46設立三利石廠，並乘等香港開埠之初，英政府大興土木哎陣呢，成為富甲一方嘅商人，

1:57也因此有能力興建山廈圍這座大宅，

2:01也係今時今日人稱「曾大屋」嘅圍村古蹟咯。