皇姑嫁睇牛仔

0:00公主竟然唔係嫁王子，而係嫁咗俾個睇牛仔喎？

0:05點解宋朝一位公主會嫁咗俾錦田圍村嘅睇牛仔呢？

0:10相傳就係噉嘅：宋朝嗰陣時打仗，好多皇室成員流落來民間。

0:20其中一個公主就同佢嗰啲隨從走難落來香港錦田圍村。

0:27嗰陣時錦田好荒蕪，公主落到來好悶，冇咩嘢可以做。

0:35佢都想學多啲話嘅，同圍村嗰啲睇牛仔傾下偈解下悶噉囉。

0:42噉佢就問其中一個睇牛仔：

0:45「你冇嘢做㗎？帶我去溜，同埋遊山玩水啦。」

0:50如是者，睇牛仔就帶公主出去玩喇。

0:54公主有日想出去后海灣溜。

0:58嗰陣係用兩個大盆一前一後噉紮住，用一支竹篙噉撐出海嘅。

1:06啲隨從本來唔想俾睇牛仔噉樣帶公主出去嘅，始終有危險㗎嘛。

1:13不過又唔想公主唔高興，又見睇牛仔幾老實。

1:19噉就同兩個講話：

1:21「潮水漲，你兩個就返來喇喎。唔好漂咗出去后海灣出面喎！」

1:28隨從又同睇牛仔講：「唔好撐公主去深水嘅埞方喎！」

1:34就係噉，睇牛仔攞咗支竹篙一撐，就由錦田河一路撐出去后海灣。

1:43噉點都有啲風浪，好在公主有睇牛仔陪住，冇咁驚，

1:51最終兩個喺潮水漲滿之前安全返上岸。

1:57公主日日同睇牛仔出去玩同埋傾偈，慢慢學識講圍頭話，

2:04仲鍾意埋個睇牛仔，噉就嫁咗俾佢囉。

2:09到天下和平，當時皇帝揾返公主，確認佢皇族嘅身份，

2:16計輩份係自己姑姐，所以係皇姑，仲封埋睇牛仔係駙馬。