屏山古井

0:00屏山有個古井，就係元朗屏山文物徑其中一項古蹟。

0:06嗰個古井喺楊侯廟同上璋圍之間嗰條路仔側邊。

0:12古井幾時起呢？就冇乜人知㗎喇。

0:16有啲人就話有二百年歷史，有啲人就話成六百年㗎喇。

0:24個古井嗰個口就造到六角形嘅，

0:28有啲人就話呢個係風水嘅問題，好似話「六六無窮」噉；

0:33又有啲人就話呢個六角形係方便嗰啲村民擔水嘅。

0:41喺政府校好水喉之前，

0:44呢個井就係坑頭、上璋圍嗰兩條村嗰啲人主要攞嚟吃同埋種水嘅，

0:54可以叫得上呢個井係條命嚟㗎喇。

1:00家下屏山嗰啲居民就唔使用呢個井嚟擔水吃㗎喇。

1:06呢個井而家有啲鐵絲網嗰啲嘢封住咗嘅，

1:14擔心啲小朋友、細路仔跌咗落去。

1:20又有啲人嗰陣時見到個井冇人用，有好多草，就洗好個井。

1:30洗乾淨喇，噉就攞嚟養魚，好過養蚊。

1:36養養下魚，啲魚都好大條㗎喇，噉啲人經過、行過，就見到啲魚好靚，

1:47好多人就喺個井嗰度影下相、玩下、溜下噉樣㗎喇。

1:52家下個井就變成文物徑一條風景線嚟㗎喇。