圍頭饞嘴妹

0:00我細個嗰陣時，同阿婆整清明仔。

0:03我就負責挼啦，阿婆就負責搓粉啊，煲糖水啊，

0:08加地豆啦，落糖啊落去啦，我就負責挼啦。

0:12嗰啲清明仔呢，就好多油嘅。佢落好多豬油去搓…搓埋一齊嘅。

0:19我就淨係識幫手挼唧。挼下挼下，隻手咪黐埋好多油囉。

0:23黐埋好多油呢，好似好骯屎噉啊。

0:27好骯屎呢，就去擦去洗囉。我阿婆就話：

0:31「嗨！出去出去，在頭擦下，骯屎啊。」

0:34我話：「我隻手好骯屎喎。」

0:36「你快啲去洗下佢啦！」噉樣。

0:38噉洗完返來呢，又挼啦，挼開又黐骯喎。

0:44黐骯阿婆話：「你唔好挼喇，你走過去走過去，你唔好挼咯。」

0:48我話：「你搓完，你隻手咪一樣骯屎，就話我？」噉樣囉。

0:54噉搓嗰啲咩粉呢，整茶粿，整嗰啲茶粿餡。

1:02我呢就好鍾意吃花生同埋好鍾意吃嗰啲地豆餡啊嗰啲綠豆餡。

1:07佢嗰頭加地豆，我就分來吃咯。吃吃下又俾人鬧咯，好為吃啊我細個嗰時。

1:17所以我那下呢，就好鍾意整嘢吃嘅。

1:20整炒米餅啊，整清明仔，整茶粿啊噉樣。

1:25細蚊仔嗰時，真係好餓嘅，好鍾意吃嘅。

1:31啲圍頭嘢呢，好更吃嘅。

1:34佢呢啲就唔惜吃嘅咯。我個仔就唔吃嘅。

1:41噉就整嗰啲咩呢，整嗰啲炒米粉。

1:50耷餅就嫌遲啦，噉就整炒米團喇喎。

1:54噉整炒米團點樣整呢，嗰啲炒米粉就溝啲糖膠去整。

2:01整咗呢就挼咯，挼下一嚿嚿攞來吃咯。

2:05挼挼下呢，隻手黐骯喎。黐骯咪揸佢吃埋咯。

2:10阿婆又話：「你做咩咁為吃啊？」

2:13噉黐骯，佢真係吃得㗎嘛，做咩唔吃唧？

2:18「噉你吃完，又去挼，噉埋吃埋你啲口水尾囉？」