熊家嫲

0:00熊家嫲

0:03早下有兩姊妹去邏姐婆，半路遇到隻熊家嫲。

0:09熊家嫲就問：「阿妹，惹兜去㖠呀？」

0:14哎兩姊妹就講：「吾兜去邏姐婆咯。」

0:19熊家嫲講：「厓咩係惹姐婆咯，惹兜認厓唔出來咩？」

0:25哎阿姐講：「吾兜姐婆面上有笪烏痣嘅，你都冇。」

0:31熊家嫲馬上撿隻田螺皮，夾等面上面，當係烏痣：

0:38「阿妹，你看，厓就係惹嘅姐婆啦。」

0:43天就開始暗咯，老妹就摎阿姐講：

0:48「阿姐，佢看起來哩，都有滴像阿姐婆喔。

0:52厓攰啦，吾兜快滴黏阿姐婆轉屋下啦。」

0:57黏等其兜就謄熊家嫲轉屋下啦。

1:00兩姊妹在熊家嫲嘅屋下過夜。

1:04就來天光哎陣，阿姐聽到好奇怪嘅聲音。

1:09偷偷子看，發現熊家嫲在哎廚房磨刀，好像愛食嗨哎兩姊妹恁樣！

1:18阿姐輕輕嘅拍醒老妹，喊佢唔好出聲摎繼續詐睡，

1:24又對熊家嫲講想去屙尿。

1:28阿姐乘機出去門背爬到樹頂暫避，

1:33佢又靈機一觸，講愛摎熊家嫲捉蝨嫲。

1:38熊家嫲唔知底細，就去到樹下等阿姐摎佢捉起蝨嫲來咯。

1:46阿姐靜靜子將熊家嫲嘅頭那毛綁在樹桍上面，

1:52然後大聲喊：「老妹，快滴走啊！」

1:56熊家嫲就好驚，愛捉阿姐，

1:59發現頭那毛綁在樹桍上面，想動都動唔到，

2:05眼白白看等阿姐在樹頂跳下來，拖等老妹走嗨咯。

2:10熊家嫲用盡力正奮脫嗨，頭那毛都扯脫，受傷咯。

2:16兩姊妹出盡力跑嗨冇幾久，就遇到一隻拿鋤頭嘅耕田佬，

2:22講分佢聽：「熊家嫲想食吾兜啊！」

2:26耕田佬喊其兜屏到樹叢去，自家在哎裡等熊家嫲追上來。

2:33等嗨一下，頭那頂流等血嘅熊家嫲就遇到哎耕田佬，

2:39分佢二話不說用腳鋤打死嗨哩。

2:44從此以後，兩姊妹也唔敢隨便跟哎生保人轉屋下咯。