貓狗結怨

0:00貓狗結怨

0:02早下有隻耕田佬，養嗨條貓摎條狗。

0:07哎貓聰明伶俐，一直得到耕田佬嘅愛惜；

0:12哎狗勤勞踏實，但係就得唔到耕田佬嘅嘉獎。

0:18有一日，耕田佬去投墟賣東西，

0:22臨走哎陣吩咐貓摎狗去田，踏平翹起來嘅禾頭，完成後正有賞。

0:30耕田佬一離開，貓摎狗都去田裏背踏禾頭。

0:34不過，哎貓踏嗨冇幾久，就摎哎狗講：

0:39「狗大哥，你踏等正啊，等厓休息下正來踏啦。」

0:45黏等就跳上棵大樹去，睡晏晝覺。

0:49哎狗自家在田裏背踏禾頭，哎啜裏背自家唸等，就自家講：

0:57「死懶貓！看你這德性，主人轉來還會唔會發獎賞分你呢？」

1:06狗在焫焫嘅日頭下辛辛苦苦恁樣工作，終於踏嗨所有嘅禾頭，

1:14也覺得攰咯，就走到樹底下，啄目睡，等主人轉來。

1:21冇幾久，一陣清風吹過來，哎貓醒嗨。

1:25佢捽下對眼，伸長嗨頸遠眺，看到耕田佬好像愛轉到來咯，於是呢就馬上跳到田裏背，詐到好用心恁樣踏禾頭。

1:39耕田佬逐漸走近，哎貓把握時機，跳到耕田佬臉前就講：

1:45「主人，你轉來啦？你看，哎禾頭全部分厓踏嗨咯。」

1:50啱啱在樹底下啄目睡嘅狗，這時候正醒過來，

1:55馬上跑到耕田佬臉前想愛解釋。

1:59但係耕田佬呢就先開口罵人：「阿狗，你偷偷子睡目！

2:07你看阿貓做得幾好，厓愛好好恁樣獎阿貓！」

2:12哎狗呢，百辭莫辯，自認當衰。

2:17不過，耕田佬突然留意到狗嘅四隻腳都黏滿嗨禾草碎，而哎貓呢，就好少。

2:27又去田裏背看，看到禾頭上面，全部都係狗嘅腳蹟，

2:32心裏背就明白，係哎貓攬走嗨狗嘅功勞，於是就轉身大罵：

2:38「阿貓，你竟然敢撮厓！」

2:42耕田佬在籃裏背拿出一塊肉來獎分狗，而貓呢，就乜介都冇。

2:48哎件事之後，貓摎狗嘅關係就變得好差，變嗨死對頭咯。