沙田山廈圍曾大屋

0:00沙田山廈圍曾大屋

0:05位於沙田大圍博康邨附近嘅山廈圍，又安做「曾大屋」，

0:11係香港非常有代表性嘅客家圍屋，也係香港嘅一級歷史建築。

0:19曾大屋由原籍廣東五華嘅曾貫萬在清朝道光十八年（公元一八四八年）建造，

0:29前後花嗨二十年，在當時來講係一隻非常大嘅工程。

0:36大屋採用「三行兩橫」嘅設計，圍牆由青磚建成，呈長方形，

0:44四角都有用作防衛嘅碉堡，碉堡上面有槍孔摎瞭望台。

0:52渾座建築物就好像一座堡壘一樣，可以防範盜賊侵襲。

0:58大屋外圍本來還設有一條護城河，並有吊橋相接，

1:04但係今下呢都填平嗨，吊橋都拆嗨哩咯。

1:08圍屋嘅入口共總分為三隻大門，中門最大，門頂圓拱形，四面用麻石砌成。

1:19上面有塊麻石嘅牌匾，刻等「一貫世居」四隻字，

1:25出自同治年間考中舉人嘅曾氏子弟，曾蘇嘅手筆。

1:32而圍屋裏背也有好多塊牌匾，其中嘅「大夫第」牌匾就摎山廈圍嘅開基祖曾貫萬係有關嘅——

1:42光緒年間，廣東發生過大旱災，

1:47曾貫萬當時捐獻嗨一大筆錢財來賑災，義行獲得清政府嘅表揚，獲封為「誥授奉直大夫」，

1:59所以就有這塊「大夫第」嘅牌匾咯。

2:03山廈圍在第二次世界大戰期間收容嗨唔少嘅逃難人士，因此也分人家尊稱為曾大屋。

2:12時至今日，住在曾大屋裏背哎兜都唔限於曾氏族人咯，

2:18大屋附近嘅沙田地區也急速發展，

2:22但係曾大屋嘅建構還係歷久常新，並且繼續守護後人。