屏山聚星樓

0:00屏山文物徑好多呢啲法定古蹟，

0:03包括埋有座超過六百年歷史嘅聚星樓，又叫「文塔」。

0:11噉喺香港那下，現存係得呢座塔㗎唧。

0:16聚星樓由青磚嚟起，造到六角形，

0:24塔身個樣就由底尖上去，好似一支毛筆噉樣。

0:31相傳原本呢座塔七層高，噉後來打風，冧吼四層，

0:39後來整返，剩低而家嗰三層。

0:43根據屏山嘅原居民介紹，相傳屏山鄧族嘅祖先見到啲子孫會打功夫，

0:55但係讀書就唔係咁叻，好少有子孫考取功名。

1:01後來就請咗個風水先生俾下意見。

1:06風水先生睇過屏山一帶嗰啲風水之後，

1:11叫屏山嗰頭起座塔嚟改善下嗰度啲風水，噉即係而家嘅文塔。

1:18啲人傳返落嚟，就話喺文塔起好之前，

1:24屏山嗰啲鄧族子孫好多都考到武舉人，

1:30但係喺起好呢座塔之後，屏山唔剩止出到武舉人，連文舉人都出到。