舞麒麟迎親

0:00舞麒麟迎親

0:04麒麟係中國傳說中嘅生物，位居「四靈」之首。

0:11傳說麒麟性格溫馴，唔會傷人，有「仁獸」之稱。

0:18舞麒麟以前係宮廷嘅表演，淨有王公貴族正會舞麒麟來祈福祭祀，

0:28包尾流落民間，平民百姓會在喜慶日子舞麒麟。

0:34而香港新界客家人，就保留嗨舞麒麟迎親嘅習俗，

0:40希望借助麒麟嘅力量，為新人帶來福氣，大吉大利。

0:47麒麟隊在日頭出之前就愛出發，有時還愛分兩日正可以完成所有嘅儀式。

0:57出發嘅時候，麒麟先行，樂器在後，

1:01先在新郎嘅屋下舉行儀式，參拜家門，

1:07背尾就落屋，散播福氣摎驅趕邪氣，

1:12更到村公所摎祠堂祭拜。

1:16之後麒麟隊由新郎所屬村落出發，前往迎接新娘。

1:22麒麟隊經過其他村落嘅時候，也愛拜祠堂摎土地。

1:28有時候富貴人家會同時請兩棚麒麟隊，

1:34屬於村內嘅麒麟隊呢，負責保護新娘，

1:39外聘嘅麒麟隊呢就負責拜土地摎其他神明。

1:45麒麟在渾隻迎娶儀式中扮演保護者腳色，

1:50除嗨愛潔淨新郎嘅住所，也愛潔淨花車摎圍繞等一對新人轉圈驅邪，

2:00祈求儀式順順利利。

2:03因此，麒麟在迎娶中呢會行在一對新人面前，以示保護。

2:11而所謂各處鄉村各處例，

2:14唔同村落都有自家一套舞麒麟嘅迎親儀式，

2:19未必完全相同，可能有所增減嘅。