茶粿摎清明仔

0:00茶粿摎清明仔

0:04新界人中意在節慶日子製作茶粿作為小食。

0:10茶粿又安做粄，每隻節日都用得嘅，

0:15做法就係用米碓或者石磨，將米磨成粉之後呢，

0:21加入蔗糖搓成粉團，墊等兜蕉葉摎蒸熟就做好咯。

0:30有時茶粿又會加兜地豆、紅豆這兜做餡。

0:37新鮮蒸嘅茶粿鬆軟，芬香撲鼻，

0:42早下冇雪櫃呢，茶粿放在紗櫥裏背，愛食嘅時候蒸軟或者煎香來食。

0:51而在農曆三月清明嘅期間呢，新界人會特意做一種安做「清明仔」或者「雞屎藤」嘅茶粿，做法摎一般嘅茶粿有少少唔同。

1:05首先愛搗爛草藥雞屎藤，

1:09再用糯米、地豆撈埋來製成茶粿，

1:15最後用馬甲樹葉墊等來蒸熟。

1:18馬甲樹葉聽講藥效呢好像土茯苓，可以解毒解熱，

1:25古時哎耕田人用這兜民間食方來調理身體，

1:30也係最天然嘅調理身體食療法來嘅。