蟛蜞同佬仔

0:00從前天水圍位處海邊，好難種植水稻同埋大米，

0:06所以附近嘅居民會種鹹水草，用來煮飯透火同埋紮嘢用嘅。

0:16鹹水草會長到成個人咁高，所以古時啲居民用幾呎長嘅大鐮刀割鹹水草。

0:26鹹水草好多家人都有種，並且後生負責收割。

0:33鹹田唔單非常合鹹水草生，亦都適合小動物生長，其中包括蟛蜞。

0:43有一日，有個佬仔攞住把大鐮刀去割鹹水草，

0:48碰到一隻蟛蜞走出蟛蜞窟，同埋舉高兩隻蟹鉗喺度撩交打，

0:58好似話「你有膽就來殺我吖，你有本事就來殺我啦」噉樣。

1:04嗰個佬仔就好嬲：「你仲唔返去你個窟頭，我捅死你﹗」

1:12兩個就喺度對峙，蟛蜞又唔讓，佬仔又沉唔住氣，

1:20大力用鐮刀棍尾捅個蟛蜞窟。

1:24晚頭黑嗰陣時，佬仔個阿媽見到個仔仲唔返，

1:29就出去揾佢，見到個佬仔瞓咗喺嗰啲鹹水草度，

1:34頸有受傷，流咗好多血。

1:38原來，嗰個佬仔用鐮刀棍尾捅個蟛蜞窟嗰陣時大力得滯，

1:44就唔記得嗰把鐮刀從頸後面𠝹過，結果重傷。

1:51怪就怪嗰個佬仔沉唔住氣亂殺生，引致血光之災。