楊侯傳說

0:00屏山古井嗰頭冇幾遠，有座楊侯古廟，據說就幾百年歷史。

0:08呢個楊侯嘅身份同傳說就有好多。

0:13有啲人話呢個楊侯即係南宋末年忠臣楊亮節，

0:20佢因為保護宋帝而死吼嘅，後人就供奉、拜佢喇。

0:26有啲人就講楊亮節封侯嘅經過，又有一個傳說。

0:32相傳楊亮節就係一個書僮，唔識功夫嘅，

0:37主要負責服侍主人上京考試，

0:43包括埋搬行李啊、煮埋飯俾人吃㗎喇。

0:47有一次，嗰陣時嘅皇帝派吼個將軍帶住啲士兵出去做嘢，

0:55有任務喇，點知佢哋喺任務嗰度遇到麻煩，

1:02全部將軍士兵都有生命危險。

1:07結果路過嗰個楊亮節出手幫佢哋，

1:12搏晒命噉樣救返嗰啲將軍同埋嗰啲士兵。

1:19救到嗰啲將軍就同埋嗰啲士兵返到去見到皇帝，

1:26表揚楊亮節忠勇之舉。

1:29皇帝本來就唔係咁信一個書僮有噉嘅本事嘅，

1:36於是就傳召士兵個個噉樣問佢喇，

1:42結果個個士兵都係話，佢冇講假話嘅。

1:46皇帝就好開心噉樣，決定親自召見楊亮節，確認佢嘅功績。

1:57唔出名嘅書僮楊亮節就封為侯，即係一個楊侯。

2:04佢死吼之後，啲人又同佢起咗間廟、又拜佢，

2:10噉就有咗呢個楊侯古廟喇。