人心節節高

0:00人心節節高

0:04有一日，仙人呂洞賓來凡間遊尞，

0:09來到一間酒家，一口氣食嗨三酲酒。

0:14佢還係覺得意猶未盡，恁樣佢就大聲喊：「老闆，更來一酲！」

0:23哎老闆就講：「對唔住哦，店裏背酒分你食光嗨咯。」

0:31呂洞賓覺得掃興，就講：

0:35「貧道今下酒興正濃，做乜恁快就冇揫酒咯？」

0:40哎店主解釋：「唔好意思，小店做嘅係細本生理，冇本錢貯備恁多酲酒，請仙人見諒。」

0:53呂洞賓酒癮吂止，於是就將老闆拉到屋後背水井邊，

1:00一邊口中念念有詞，然後就對店主講：

1:06「惹嘅口井裏背就係酒來嘅，快滴打來分貧道食啦！」

1:12哎隻老闆半信半疑，自家先嚐一口，井水果然變成嗨酒咯。

1:19老闆又驚又喜，趕快就打酒分呂洞賓食。

1:24呂洞賓食到酩酊大醉，稱心滿意恁樣走嗨咯。

1:30老闆這口水井也變成酒井，無本生利，冇幾久就發財咯。

1:38一年後，呂洞賓又經過這店，受到老闆熱情嘅款待。

1:46食飽飲醉之後，呂洞賓就發現到老闆面色變嗨，好像有心事，

1:54所以就問：「老闆你還有乜介困難，看厓幫唔幫到你啊？」

2:01哎隻老闆馬上講：「仙人，你賜分厓井酒，厓感激不盡，

2:08做乜介別人潷酒會剩到糟嫲可以供豬，但我嘅口井又冇嘅呢？

2:15請仙人再賜分厓一滴糟嫲，可以冇啊？」

2:18呂洞賓聽嗨，哈哈大笑，拉等老闆又到井邊，

2:23口中念起咒語，更對哎老闆講：

2:27「天高不算高，人心節節高。井水變成酒，又嫌豬冇糟。」

2:35哎老闆一聽，嚇嗨一跳，知道自家忒過貪心，得罪哎仙人咯。

2:42當佢想道歉謝罪嘅時候，正發覺呂洞賓早就消失嗨咯，

2:48而這口井也變轉水，老闆後悔也來唔切咯。