塞翁失馬

0:00塞翁失馬

0:04早下在北邊嘅邊塞地區，有隻人安做塞翁。

0:10有一日，塞翁嘅馬走失嗨。

0:13隔籬鄰舍知道這個消息，都來塞翁嘅屋下安慰佢，喊佢唔好難過。

0:20吂知塞翁好平靜，講：

0:23「吾嘅馬雖然走失嗨咯，但講唔定這件係好事呢！」

0:29哎鄰舍覺得好奇怪，冇一條馬，仰邊曉係好事呢？

0:35塞翁就笑吓，看起來一滴都唔感到失落。

0:40過嗨幾隻月，這條馬自家轉屋下咯，

0:45還帶嗨另外一條又強壯、毛色又亮麗嘅駿馬。

0:51哎隔籬鄰舍聽到這消息之後呢，又紛紛跑到塞翁屋下恭喜佢，

0:58講塞翁唔單止自家嘅馬走轉來，還多嗨另外一匹好馬添。

1:06這擺，塞翁反而皺起眉頭，講：

1:11「多一匹駿馬，也唔一定係乜介好事呢！」

1:16多嗨一匹馬，有乜介唔好呢？

1:19鄰舍都覺得好奇怪，實在唔知塞翁到底想乜介嘅。

1:25塞翁嘅賴子好中意騎馬，長日騎等這條駿馬出去尞。

1:32有一日，塞翁嘅賴子一唔小心就在哎馬背上面跌嗨下來，跌斷嗨腳。

1:40鄰舍都覺得好難過，又來塞翁屋下安慰佢。

1:45吂知塞翁淡淡恁樣對大家講：

1:49「吾賴子雖然跌斷嗨腳，但講唔定也係一件好事呢！」

1:55哎兜鄰舍每隻人都莫名其妙。

1:59過嗨冇幾久，胡人大舉入侵，

2:02後生哎兜男人都愛徵調當兵，好多人年紀輕輕就戰死沙場。

2:10塞翁嘅賴子因為跌斷嗨腳冇辦法當兵，反而因為恁樣撿轉條命。

2:17鄰舍終於了解嗨塞翁嘅智慧，明白每件事情係福係禍，唔係單看表面嘅。

2:26有時失去嗨變嗨福，有時得到咯，又變嗨禍。