製鹽教友村鹽田梓

0:00製鹽教友村鹽田梓

0:03在西貢海嘅小島鹽田梓係隻非常特別嘅客家村，

0:10村民全部都信天主教，係香港少數有教堂而冇祠堂嘅村落。

0:19鹽田梓嘅開基祖陳氏夫婦大概在三百幾年前在深圳鹽田遷到島上面，

0:29十九世紀開始有來自歐洲嘅天主教教士來傳教，

0:36到十九世紀中後期，全島居民都信奉天主教，

0:41所以有「教友村」之稱。

0:44島上居民拜祭祖先摎團聚嘅方式，都摎其他客家村落有分別。

0:52例如居民唔會在重陽節祭祖，而係在新曆十一月一號嘅諸聖瞻禮祭祖。

1:00此外，摎其他客家人唔同嘅係，鹽田梓居民唔係在農曆新年期間轉屋下團聚，

1:10而係在新曆五月第一隻星期日參加聖若瑟主保瞻禮。

1:18好多遷居到外地嘅鹽田梓居民，

1:21都會在這日轉到來聖若瑟小堂望彌撒摎團聚。

1:28鹽田梓居民早年還會製鹽。

1:32島中間有塊平地，潮漲嘅時候會有海水流入。

1:37居民運用這隻特點，在海邊興建堤壩，

1:42趕佢潮退哎陣呢，就塞等海水形成一隻鹽田，再在日頭下暴曬兩介禮拜就可以生產出海鹽。

1:52不過由於製鹽業息微，鹽田梓早緊冇人製鹽咯，

1:58直到近年正恢復嗨這種自然製鹽嘅方式作為教育用途。