祭祖吃山頭

0:00新界啲圍村一到春秋二祭，就好多子孫去掛山頭，有啲山頭係「吃山頭」嘅。

0:09吃山頭即係攞隻豬去拜，拜完神就喺度煮，加埋啲配料噉樣。

0:17又要帶埋煮盆菜嗰啲架生啊、材料啊上山，用嘅人手都好大。

0:25煮山頭又容易引起山火，所以而家好多條村冇煮山頭㗎喇，

0:31改用拜金豬或者白豬噉拜神。

0:36但係屏山鄧氏若虛祖，即係維新堂，都有保留吃山頭呢個習俗。

0:44每春秋二祭都去拜一次，係吃山頭嘅。

0:50譬如農曆九月初五，定咗嗰日若虛祖啲子孫都去到屯門龍鼓灘嗰頭

0:59拜祭鄧若虛，然後就吃山頭。

1:03吃山頭要好多預備工夫。啲工人帶埋嗰啲架生啊、嗰啲食材噉。

1:13去到最先就拎隻豬去拜祖先，另外一啲人就喺度搭灶頭，

1:23即係喺個地下度挖個窿嚟燒柴煮。

1:26拜完神嗰隻豬，隔籬就斬開一嚿嚿，喺嗰兩個大鍋嗰度炆。

1:30炆完之後，另外又煮啲配料，有腐竹啊、魷魚啊、筍蝦噉樣囉，

1:38都煮成兩三個鐘頭。

1:42拜呢啲山頭有時去到成兩、三百人，

1:47分勻之後每一盆六個人，通常都有成三、四十盆。

1:52六人一盆，噉就分好，啲人排隊攞咗之後就喺地下嗰度自己揾個位喺度吃。