丫髻山風水名穴

0:00（香港元朗鄧族）始祖漢黻，宋承務郎，喺北宋嘅時候，

0:04開寶六年（公元973年）喺家鄉江西吉水縣白沙村向西行，

0:11經過大庚嶺進入廣東南雄珠璣巷，被認為係鄧族入粵嘅始祖。

0:18佢曾孫符協，宋熙寧進士，喺南雄做副官，後來佢派到陽春做縣令。

0:27佢對風水好有研究，任滿之後，遍遊山水，追龍溯脈，

0:32經過屯門，見到青山同大帽山，

0:35山形毓秀、火木參天，呢度一定有靚地。

0:39果然喺丫髻山揾到兩穴，喺山貝嶺又揾到一穴；

0:44見到大帽山猶有上結，跟住去追龍去到荃灣曹公潭，又揾到一穴。

0:49因為呢四個穴地實在太靚，遂起咗遷居之念，

0:53於是佢將三個祖先嘅墓墳搬嚟。

0:56其中一個穴「玉女拜堂」安葬（曾祖父）漢黻祖，

1:00其二穴「金鐘覆火」安葬（祖父）粵冠公，

1:03第三穴「半月照潭」安放（父親）日旭公，

1:06第四穴（「仙人大座」）留返自己用。

1:08後來見到龍脈終於錦田，經過問卜，所以定居桂角山下岑田。

1:14符協生咗兩個仔，大仔叫阿陽，細仔叫阿布。

1:19阿陽生阿珪，阿布生阿瑞。

1:22阿珪生咗兩個仔，叫做元英、元禧；

1:25阿瑞生三個仔，叫元禎、元亮、元和，合稱「東莞五元」。

1:31後來子孫成立鄧都慶堂，共同管理產業，並輪值拜祭以上四位先人。