打醮行香

0:00錦田打醮傳統喺邊度由來呢？

0:02就係康熙年時代下令所有沿岸嗰啲人內遷五十里，

0:10因為驚啲人同明朝嗰啲遺民有聯繫、接濟啲遺民，

0:16所以就要啲人入遷。

0:18當時唔剩止錦田，上水、沿岸一帶嗰啲人都唔想去，

0:25就要求當年嘅兩廣總督周有德、廣東巡撫王來任上書朝庭，

0:34俾我哋留低。

0:36後尾皇帝恩准，噉就留係度喇。

0:39我哋姓鄧嘅就起咗一個廟，叫周王二公書院，多謝佢、紀念佢。

0:45仲有我哋每十年做一次打醮，呢個打醮就叫「酬恩建醮」，

0:53多謝呢兩個總督巡撫嘅恩惠，十年做一次。

0:57打醮嘅內容係咩呢？有兩部份——

1:00第一部份主要拜神，第二部份就係做大戲。

1:05第一部份拜神就係六日五夜，

1:08我哋每條圍會打緣首、打聖杯，排六十名。

1:14呢六十名，六日五夜之內，由朝、午、晚、半夜都要拜神，拜唔同嘅神。

1:24由道教師傅帶住我哋，祭小幽啦，做好多好多唔同嘅儀式。

1:31做完之後就改戲棚，一個月後做大戲。

1:38做大戲就做五日，第一埸叫做《六國大封相》。《六國大封相》主要俾鬼睇嘅，

1:47所以有好多人話：「第一晚開台嗰日，嘩，見到好多嘢好多嘢！」

1:52你信就當係有，唔信就冇。

1:55頭嗰個部份，我哋打醮，我哋仲有第三日去「行香」嘅。

2:01點為之「行香」呢？我哋咁多人去每條圍、每條鄉去上香，跟住有龍有獅拜住嘅。

2:09第一就北圍村、水頭、水尾，跟住高埔，跟住吉慶圍，

2:15跟住祠堂村，跟住永隆圍，跟住泰康圍，跟住返嚟大廟，噉就好熱鬧嘅。

2:24第二日去「行香」行邊度呢？行到元朗英龍圍，

2:29行完英龍圍就穿過西邊圍，再穿過元朗大街噉返返嚟錦田。

2:36好熱鬧，最高興係呢兩日。

2:40呢個打醮，我哋全個錦田嘅人都好重視。

2:45以往嗰啲女人，呢一段時間都係穿金戴銀、着得好隆重㗎。

2:52同埋每條圍嗰啲人都好難得見面：

2:56「哎啊！我哋幾廿年冇見囉，真係，呢個時候見到面！」

2:59除咗錦田，我哋錦田打醮之前嘅一年呢，

3:03就係厦村做呢個建醮先嘅，跟住到我哋啦。

3:08即係同一時間、隔一年唧。

3:10除咗錦田、厦村之外，上水圍都有一個打醮嘅，但係佢就六十年先一次。

3:18六十年，好命嘅人一生睇兩次，或者唔好命嘅呢，一次都睇唔到。

3:26我記得上一次——早幾年上水打醮，

3:31好多老人家都唔識嗰啲儀式、嗰啲做法，走嚟錦田、厦村問點樣做。

3:39因為大家做嘅嘢大同小異，所以大家都可以溝通溝通囉。