吉慶圍文物二三事

0:00吉慶圍本來係一條山村嚟嘅，好似其他村噉，好似北圍村噉係山村嚟。

0:08應該係明末清初嗰陣，周圍都好多賊、好多山賊，打劫又盛。

0:17當時，廣瑜祖其中一個後人，就好有錢嘅，出錢起咗吉慶圍呢個圍牆。

0:26嗰個圍牆就四四方方，十零米高，有四個砲台，互相監視噉啦。

0:36有護城河，個門口得一個出入㗎唧，方便防守，

0:43同埋佢有個鐵閘，噉有咩事就閂埋鐵閘，就好好多。

0:48同埋呢條圍以前呢，我聽老人家講，有好多舊嗰啲槍、嗰啲砲嘅。

0:55但係喺日本仔嚟到香港嗰陣，俾佢哋攞埋走。

1:01而家仲有一支，喺邊度揾到呢？就係嗰個護城河入邊揾到嘅。

1:08當年每年秋、冬天，護城河就冇水㗎喇，就俾人發現一支砲。

1:14呢支砲就放喺個神廳入邊。

1:17以前吉慶圍有條龍船嘅，嗰條龍船坐七十人，喺邊度舞呢？

1:23就喺近紅毛橋嗰邊，佢有個地方撐龍舟嘅。

1:28噉撐完龍舟呢，嗰個龍船就埋喺近錦田河個河底度嘅。

1:34嗰個船槳、船舦仲係我哋條圍嗰度，但喺啲龍船船身已經唔見晒㗎喇。

1:41嗰個龍頭個喉核之前俾啲遊客偷咗，我哋後期2015年先補返上去。