牙牙發

0:00牙牙發

0:03早下有隻有錢佬安做牙牙發，佢非常孤寒，

0:09乜介好東西都唔願意花錢來買，乜介好東西都冇食過。

0:16有一日，佢突然就好想食豬肉湯，就喊工人買豬肉轉來煮湯咯。

0:25哎工人就問牙牙發愛買幾多：「老闆，買一斤好麼？」

0:32牙牙發唔想花恁多錢：「一斤？

0:36又唔係過年，買恁多做嘪啊？」

0:39哎工人又問：「恁樣買半斤好麼？」

0:43牙牙發還係唔捨得：「半斤也忒過多啦，又唔係過節，唔使買恁多嘅。就買四両啦！ 」

0:53工人將哎豬肉買轉來之後，牙牙發就講：「拿來分厓秤下，看係唔係足四両正。」

1:03佢怕哎工人唔老實，又怕哎豬肉佬唔老實，堅持愛自家秤一下重量。

1:11「嗯，真係有四両。唔錯唔錯，恁樣一塊就夠咯。」

1:18牙牙發就將哎塊仔豬肉洗到乾乾淨淨，然後就放落去大鑊頭去，還加一大桶水去煮。

1:30吂知呢，佢加水嘅動作忒過大，哎豬肉分水沖到哎鑊仔後背，啱啱有條野貓經過，四両豬肉就恁樣分佢擎走嗨咯。

1:44工人打掃嗨就轉到廚房，也冇發現哎豬肉唔見嗨，

1:51就如常恁樣加入胡椒啊、紅棗啊、薑片啊這兜材料，

1:59更用大火來煮，煮嗨三、四隻鐘頭。

2:03哎家傭就端一碗分牙牙發，講：「老闆，豬肉湯煮好嗨咯。」

2:10牙牙發食嗨一口，就在哎讚：

2:14「鮮湯緊係鮮湯！食到哎眼吱吱光！」

2:18這時候，哎嘴角還擎等塊豬肉嘅野貓，在牙牙發嘅門口經過，

2:26啱啱在門罅看到牙牙發在哎哩食冇豬肉嘅豬肉湯，還食得好滿足恁樣哩。