狗徑索

0:00狗徑索

0:03早下有隻傻仔，長日做兜失禮嘅東西，尤其是食相好難看。

0:10其老婆好惶摎佢出去食飯，也好惶請兜朋友來屋下做人客，免得成為村裏背嘅笑話。

0:20其丈人佬快六十歲咯，請其兜兩公婆來其哎埞做生日。

0:26其老婆惶其嘅老公又在親戚面前做兜失禮嘅事，暗中就摎佢約好：

0:34「厓在桌棚腳下用條繩綁等你摎吾嘅腳趾，厓抽一下，你就食一口，知道麼？」

0:44哎傻仔就拍拍心口：「知道啦！」

0:47其老婆還係唔放心，決定在家摎傻仔演練一下。

0:54練嗨幾日，哎傻仔就慢慢嘅配合得唔錯。

0:59其老婆唔拉條繩，佢就唔動筷子，老婆連等掣嗨幾下哎條繩，佢就連食幾口。

1:07其老婆就想：「應該唔會出醜咯。」

1:11最後到嗨做生日哎日，啱開始哎陣，這隻辦法好有用。

1:19其老婆扯一下條繩，哎傻仔就食一口。

1:24傻仔食得好得體，其老婆都好開心，心裡暗喜：

1:31「吾嘅傻老公終於有滴長進咯。」

1:35吂知食到一半，丈人佬嘅兩條狗在桌棚腳下打交，爭骨頭食。

1:42兩條狗在桌棚腳下啲啲轉，碰到哎條繩。

1:47哎條繩在桌棚腳下分兩條狗扯到好亂，

1:52哎傻仔以為係其老婆扯哎條繩，於是就搏命食，

1:58就一邊就喊等：「食唔切呀！食唔切呀！」

2:02哎傻仔呢狼吞虎嚥，口水都流出來，好失禮人。

2:07這隻典故就係客家俗語「狗徑索」嘅出處，意思就係「食唔切」咯。