太公分豬肉

0:00春分，係中國二十四節氣之一，

0:04都係屏山鄧族拜祖先同埋分豬肉嘅日子嚟。

0:11祭祖就會喺呢個大祠堂（屏山鄧氏宗祠）嗰度做，

0:16由族長父老添香拜神先，然後到啲子侄、子孫輪流走去拜。

0:28拜祖先嗰啲錢，就係祖堂嗰啲物業啊、收地租、田租，

0:36收返嚟嗰啲錢就噉樣用嘅。

0:40拜完神，啲人就會領表。一個男丁領一條表，

0:48有啲過咗51歲就加胙，61歲又加多一條胙。

0:56一胙嘅意思係咩呢？就係攞多一條表，分多一份嘅唧。

1:03啲人領完表之後，就走去排隊喇。

1:06又走去排隊，排隊做咩呢？就係摘名。

1:10摘名就係你跟住個次序，一個人領過幾多條表，

1:15就計返嗰條數，除返嗰隻豬啲肉有幾重，噉每人就領到幾多豬肉㗎喇。

1:24因為有好多人走咗出市區去做嘢啊、住啊，

1:30就變成少咗返嚟；

1:32同埋而家啲後生仔都嫌辛苦、嫌熱，就冇乜人走出嚟領豬肉。

1:40到九十年代嗰陣，大祠堂嗰度，

1:45出席嗰啲人、拜神嗰啲人又開始慢慢多返。