阿牛出城記

0:00那下呢，講隻故仔俾人聽，大家聽下。

0:04以前呢，我哋啲新界人、啲圍頭人呢，就好少出九龍嘅。

0:11阿牛呢，好耐時間好少出去九龍啊、過去香港嗰邊。

0:17佢又識幾個字噉啦，讀下小學，噉啲人有啲文件，有時就喊阿牛去睇。

0:23有一日，有啲政府啲文件呢，嗰啲人填咗，

0:27就喊阿牛𢬿出去中環交去政府部門喎。

0:32噉阿牛就坐火車，由石湖坐火車就去到尖沙嘴，

0:39就坐天星小輪過海，過海就去到中環去交嗰啲文件。

0:47佢去到香港嗰邊，見到呢個香港郵政總局。

0:52嘩！好大座，古色古香。

0:55成座郵政局係英國佬嗰啲噉嘅建築，好得意。

1:00嘩！又見到有電車喎。坐電車咁得意，走去坐電車喇又！

1:05好奇怪啊！電車有條路軌，由中環德輔道中，一路去到灣仔、去到北角喎。

1:13佢坐咗上去電車嗰頭，掛住睇嘢，

1:17佢又唔知道原來電車有啲扒手。

1:21阿牛遞高手扶緊架車嘅時候，

1:24啲扒手就用一個磨到好利嗰啲毫子，割開佢個錶袋，

1:30下解就有啲一百蚊紙，佢有成三、四百蚊，偷咗佢都唔知喎！

1:35嘩，真係大懵啦！

1:36呢樣見識真係好貴。唔見幾百蚊，嗰陣時幾百蚊好多錢㗎喎。

1:42俾人在錶袋度扲咗佢幾百蚊。

1:46佢坐個電車以為好得意，就俾咗好多錢啊，

1:49俾人打咗荷包都唔知，呢個經驗真係好貴好貴嘅經驗。