塱原生活記趣

0:00燕崗西邊有個豬場。嗰個豬場呢，我所了解就係愛嚟做實驗嘅，

0:08又有養嗰啲豬公、又有豬乸噉樣。

0:12我老子係睇嘢嘅，即係看更，watchman。

0:16唔係話那下啲人養嗰啲大豬場愛嚟賣肉豬嗰啲，

0:22唔係嗰啲，佢哋做實驗嘅。

0:25我細蚊仔嘅時候睇過人捉雀。

0:28點樣捉雀呢？因為割禾嘅時候，好多啲雀仔啊…

0:33麻雀又好，乜嘢雀都有啦，有大有細啦，走嚟啄地下嗰啲禾嚟吃嘅，

0:40啲人就借呢個機會走過嚟捉雀。

0:43捉雀呢，佢就豎起兩條棍仔，差唔多有成呎幾兩呎長，

0:49即係十八、二十吋啦，中間圍一個網。

0:53噉樣嗰兩條棍仔就綁一條繩仔喺柱頭，綁條繩仔呢，

0:58捉雀嗰個人就行去大槪有成四、五十呎啦，噉就踎嗰頭。

1:06見到啲雀嚟吃嗰個網前邊啲穀，

1:09就𢲡起條繩仔，嗰個網就冚落嚟，

1:14冚落嚟將嗰啲雀仔冚唪唥冚住喺度，

1:18嗰個人就快快脆脆走去捉嗰啲雀，捉埋啲雀就係放入嗰個籠嗰度。

1:26嗰陣時，五、六十年前有人噉樣捉雀，那下梗係唔捉啦。

1:31那下啲規例都改晒喇，

1:34唔可以捉嗰啲雀嚟吃㗎喇，捉雀嚟吃就俾人拉㗎喇。

1:39到那下呢啲日子，個實驗農場都冇咗好多年囉，

1:43幾十年唔見個實驗農場喇。

1:45政府都立咗例唔俾啲人捉啲雀嚟吃喇。

1:51近一年半載開始，有個塱原濕地大西北發展，

1:57嗰頭有個大工程喺度，改晒嗰啲田、嗰啲嘢喇。

2:01噉時移勢易，時間變遷，跟住潮流走，

2:06而家就冇捉雀嚟吃㗎喇，又冇咩人耕田。