大埔有老虎

0:00大埔原名叫「大步」。

0:02據説因為嗰陣時嗰頭有老虎出沒，就起咗呢個名。

0:08古時大埔嗰頭，連住大帽山嗰一帶好多樹、生到好密，

0:15好啱野生動物住，包括埋啲老虎。

0:20嗰陣時，附近嗰一帶啲居民出入，自自然然就驚喇。

0:26所以行過嗰一帶嗰啲人就提心吊膽，甚至要結埋成群人噉樣，

0:33大家有照應大步噉離開，噉所以個名叫「大步」。

0:38現時老虎梗係喺香港冇啦 ，「大步」呢個名就改口叫大埔。

0:47不過現時仍然都可以喺大埔墟入邊揾到老虎以前出沒過嗰啲痕跡嘅。

0:56附近林村河嗰個錦山村，據以前啲人講係叫「禁山」，

1:03因為當時仍然有老虎出現嗰陣時，啲人提心吊膽，

1:09「禁山」就係叫啲人唔好入去嗰個意思，後來就改名叫錦山。

1:19此外，連接住大帽山嗰個元墩下，相傳又曾經出現過老虎。

1:27當然，那下就剩下大埔居民口中嘅「大埔有老虎」同埋「禁山」嘅傳説㗎喇。