田中生活雜憶

0:00以前耕田呢，我哋啲男人啊、有氣有力嗰啲人就出去田，割禾啊、蒔田啊噉樣。

0:10割禾嗰陣時印象深啲，因為割禾嗰啲田就乾嘅、燥嘅、

0:17冇濕水嘅，冇話浸緊水嘅。

0:19啲女人在屋企煮好飯，孭埋個仔、hü2（？）埋個仔，

0:24擔一擔籮，擔埋啲飯啊、糖水啊、啲碗啊、碟啊、筷子啊，

0:31擔出去個田嗰頭，俾個田做晒嗰啲人吃飯。

0:38噉做晒嗰啲人吃飽飯就馬上可以又耕田啦嘛，

0:43可以割禾就割禾、蒔田就蒔田，就唔使行好遠路走返去屋企嘛。

0:49在個田呢，我記得割禾嗰時，有時有啲人擔啲啄啄糖去個田嗰度賣。

0:57就俾錢買，有時就唔係俾錢買，有時就俾一殻穀噉樣買，同佢換啲糖嚟吃。

1:06嗰啲啄啄糖用一個嗰啲個樣好似鋤頭噉細細個，

1:12大約三吋闊，六、七吋長嘅，好似個排鉤噉樣揼落去，

1:17嗰啲糖一嚿一嚿噉樣揼，揼出來嘅。

1:20仲有啲人炊熟嗰啲白糖糕，又係喺田賣，又係賣俾啲人吃。

1:29噉啲人在個田，有水飲，又有白糖糕吃，又有啄啄糖可以吃。